Зах зээл ба бэлчээрийн удирдлагын хөгжил төслийн нөлөөллийн үнэлгээний судалгаа
“Эс Ай Си Эй” ХХК-ийн судалгааны баг нь олон улсын зөвлөх байгууллага RowSquared S.L.-тэй хамтран “Зах зээл ба бэлчээрийн удирдлагын хөгжил төсөл”-ийн (Market and Pasture Management Development Project) нөлөөллийн үнэлгээний судалгааны талбарын мэдээлэл цуглуулалтыг амжилттай гүйцэтгэлээ.
Төслийн тухай
Энэхүү төсөл нь Монгол Улсын Хүнс, хөдөө аж ахуй, хөнгөн үйлдвэрийн яам болон Олон улсын хөдөө аж ахуйн хөгжлийн сан (IFAD)-гийн хамтарсан санхүүжилтээр 2018–2023 оны хооронд хэрэгжсэн. Төслийн гол зорилго нь:
- Малчин болон суурьшмал өрхийн ядуурлыг бууруулах
- Амьжиргааг сайжруулах
- Бэлчээрийн тогтвортой менежментийг дэмжих
- Хөдөө аж ахуйн зах зээлийн хүртээмжийг нэмэгдүүлэх
байв.
Судалгааны зорилго
Нөлөөллийн үнэлгээний энэхүү судалгаагаар төслийн бодит үр дүнг дараах чиглэлд тодорхойлохыг зорилоо. Үүнд:
- Хөдөө аж ахуй, мал аж ахуйн салбарт гарсан өөрчлөлт
- Бэлчээрийн менежментийн үр нөлөө
- Өрхийн амьжиргааны түвшинд гарсан ахиц
- Бодлогын орчны нөлөөлөл
Судалгаа нь тоон болон чанарын арга зүйд тулгуурлан хийгдсэн бөгөөд төслийн бодит үр нөлөөг нотолгоонд суурилан үнэлэх боломжийг бүрдүүлсэн.
|
SICA ХХК
SICA ХХК СУДАЛГАА
|
Судалгааны хүрээ, аргачлал
Судалгаанд нийт 6 аймгийг хамруулсан. Үүнд: Архангай, Дорнод, Дундговь, Хэнтий, Сүхбаатар, Өвөрхангай
Нийт:
- 1,600 өрх (мал аж ахуй болон газар тариалан эрхлэгчид)
- 230 бэлчээр ашиглагчдын бүлэг
хамрагдсан болно.
Мэдээлэл цуглуулалтыг IFAD-ийн стандартын дагуу:
- 100% нүүр тулсан (CAPI) ярилцлагаар
- Нүүдлийн болон суурин өрхүүдийг ижил харьцаагаар
- Төсөлд хамрагдсан болон хяналтын бүлгийг зэрэг хамруулсан загвараар
гүйцэтгэсэн нь нөлөөллийг бодитоор хэмжих арга зүйн чухал суурь болсон.
“Эс Ай Си Эй” ХХК-ийн оролцоо
Манай байгууллага судалгааны бүх үе шатанд идэвхтэй оролцож, дараах ажлуудыг цогцоор нь хэрэгжүүллээ:
- Судалгааны асуулгыг Монгол Улсын нөхцөлд тохируулах, орчуулах
- Судлаачдын баг бүрдүүлэх, сургалт зохион байгуулах
- Урьдчилсан тест, туршилтын судалгаа хийх
- Талбарын мэдээлэл цуглуулалт
- Өгөгдлийн хяналт, цэвэрлэгээ
- Чанарын баталгаажуулалт
Мөн судалгааны төлөвлөлт, логистик, тайлагналын үйл ажиллагааг олон улсын стандартын дагуу хэрэгжүүлж, өгөгдлийн найдвартай байдлыг бүрэн ханган ажилласан.
Судалгааны ач холбогдол
Энэхүү судалгаа нь Монгол Улсын хөдөө аж ахуй, бэлчээрийн менежмент, өрхийн амьжиргааны өнөөгийн нөхцөл байдлыг харуулсан өргөн цар хүрээтэй мэдээллийн сан бүрдүүлснээрээ онцлог юм.
Судалгааны үр дүн нь:
- IFAD болон төрийн байгууллагууд
- Олон улсын хөгжлийн байгууллагууд
- Ирээдүйн төсөл, хөтөлбөр хэрэгжүүлэгчид
-д бодлого боловсруулах, хөтөлбөрийн загварыг сайжруулах, илүү оновчтой шийдвэр гаргахад чухал суурь мэдээлэл болж байна.
Төстэй мэдээлэл:
