Сэдэвчилсэн судалгаа нь ихэвчлэн салбарын судалгаан дээр яригддаг ойлголт юм. Салбарын судалгаа нь тухайн судалж буй салбарын хууль эрх зүй, улс төрийн орчин, эдийн засаг болон технологи, нийгэм соёлын хүчин зүйлүүдийн нөлөөлөл зэргийг системтэйгээр, үндсэн аргачлалын дагуу нарийн судалж, шинжлэн шийдвэр гаргалтад хэрэгтэй макро түвшний мэдээллийг боловсруулан гаргана.

Аливаа төсөл, хөтөлбөр, бодлогыг хэрэгжүүлэхийн өмнө төсөл хэрэгжүүлэх бүс нутгийн хүн ам, нийгэм, эдийн засгийн нөхцөл байдлыг судлах, үр дүнгийн шалгуур үзүүлэлтүүдийг хэмжих зорилгоор суурь судалгааг хийж гүйцэтгэдэг. Энэхүү судалгаа нь төслийн хэрэгжилтийг хэмжихэд ашигладаг суурь үзүүлэлтийг хэмждэгээрээ онцлогтой. Бид олон улсад түгээмэл ашиглагддаг арга, аргачлалыг тухайн судалгааны ажлын онцлогт нийцүүлэн ашигладаг.

Бид бодлого төлөвлөлт, түүний хэрэгжилт, бодлогын баримт бичгийн үр нөлөөний болон үр дагаврын үнэлгээ зэрэг судалгааг олон улсад өргөн ашиглагддаг арга, аргачлалыг Монгол Улсын холбогдох дүрэм, журамтай хослуулан ашиглаж мэргэжлийн өндөр түвшинд гүйцэтгэдэг. Эдгээр судалгаа нь оновчтой шийдвэр гаргалт, бодлогын олон талт хувилбар боловсруулахад чухал ач холбогдолтой юм.

Бид бодлого, хөтөлбөрийн үнэлгээ, төрийн байгууллагын үйл ажиллагааны ХШҮ зэргийг гүйцэтгэж байна. ХШҮ-ний зорилго болон цар хүрээнээс хамаарч, төсөл хөтөлбөр, байгууллагын үйл ажиллагаа тус бүр дээр ялгаатай хяналт, шинжилгээ, үнэлгээ (ХШҮ) судалгааны дизайн боловсруулдаг.

Төсөл хэрэгжих бүс нутгийн нийгмийн болон эдийн засгийн нөхцөл байдал, уугуул иргэдийн соёл уламжлал, зан заншил, зан төлөв, амьдралын хэв маяг зэргийг судалж тэдгээрт төслийн зүгээс үзүүлэх эерэг болон сөрөг нөлөөг илрүүлэх, сөрөг нөлөөллийг бууруулах арга хэмжээний талаар санал, зөвлөмж боловсруулах зорилготой хийгддэг ажил юм.

Аливаа нэг асуудлын талаар олон нийт ямар санаа бодолтой байгааг судлан илрүүлдэг. Өөрөөр хэлбэл ямар нэг үзэгдэл, үйл явцын талаарх олон нийтийн санаа бодол, хандлагыг танин мэдэх, түүндээ үндэслэн цаашдын үйл ажиллагаагаа төлөвлөх зорилгоор хийгддэг.

Төсөл хөгжүүлэлтийн үйл ажиллагаа нь суурь судалгаа, техник эдийн засгийн урьдчилсан судалгаа боловсруулах, техник эдийн засгийн үндэслэл боловсруулах гэсэн үндсэн 3 үе шатанд хуваагддаг бөгөөд бүхэлдээ төсөл хэрэгжих боломж, нөхцөлийг судалдаг. Энэ хүрээнд бид нөхцөл байдал, эрэлт, нийлүүлэлт, зөрүүгийн шинжилгээ хийх, төслийн зорилго, зорилт, техник технологи, дэд бүтцийн шийдэл, барилга байгууламж, дэд бүтцийн төлөвлөлт, үйл ажиллагааны төлөвлөгөө, бүтэц, зохион байгуулалтыг боловсруулан, санхүү, хөрөнгө оруулалтын шинжилгээ, эрсдэлийн шинжилгээ хийдэг.

Тооллого нь тогтоосон хугацаанд нийгэм, эдийн засгийн үзэгдэл үйл явцын тодорхой шинж чанарын олонлогт багтаж буй бүх нэгжийг хамруулан судалгаа явуулж, тухайн олонлогийн бүтэц, шинж чанар, тоо хэмжээний талаар бүрэн гүйцэд, дэлгэрэнгүй мэдээллийг цуглуулах, боловсруулах, нэгтгэх, дүн шинжилгээ хийх үйл ажиллагаа юм.

Бид төрийн үйлчилгээний чанар, хүртээмжийн талаар хэрэглэгчийн үнэлгээ хийх судалгааг гүйцэтгэдэг.

Сонгуулийн хуульд нийцүүлэн улс төрийн судалгаа болон энэ төрлийн бүтээгдэхүүнээ шинэ арга зүй, дэвшилтэт технологи ашиглан та бүхэнд хүргэж байна.